Bazarda eýýäm takmynan 20 ýyl bolmak bilen, «HASAR» Türkmenistanda iri we belli konditer öndüriji bolup durýar. Kompaniýanyň süýji-köke önümleri diňe biziň ýurdumyzda däl, eýsem onuň çäginden uzaklarda hem meşhurlyga eýedir. Ol öz alyjylaryny Owganystan, Yrak, Päkistan, Hytaý, Gazagystan, Saud Arabystany, Oman, Kuweýt, BAE, Täjigistan, Gyrgyzystan, Russiýa we dünýäniň beýleki sebitlerinde tapmagy başardy.Häzirki wagtda kärhananyň işgärleri öz öňlerinde täze maksatlary goýdy, munuň üçin kompaniýada ähli şertler bar.
Kärhanada kompaniýanyň şertleri we talaplary nazara alnyp işlenip taýýarlanan, iň soňky tehniki işläp taýýarlamalara laýyk gelýän ýewropa önümçiligine degişli konditer önümlerini öndürýän enjamlar gurnaldy. Bu ýerde ýokary derejeli enjamlarda işlemeklige ukyply bolan, örän oňat okadylan işgärler zähmet çekýärler.Kompaniýanyň ýokary ösüş derejesini türkmen süýji önümlerini öndürijileriniň halkara sergilerine gatnaşyp, mynasyp bolan hil şahadatnamalary hem güwä geçýär.
Şeýlelikde, “Hasar” kompaniýasynyň türkmen süýji önümlerini öndürijileri şu ýyl Moskwadaky «World Food», BAE-de, Germaniýada we Stambulda geçirilen halkara sergilerine gatnaşdylar. Bu ýerde, ýagny täze önümleri halkara bazarlaryna çykarmak üçin bütin dünýäde ykrar edilen meýdaçasyndaky görkezişler, şol sanda süýji-köke önümleriniň hil derejesi synagyndan uly üstünlik bilen geçdi.
Bu ýyl ýurtda meşhurlyga eýe bolup we süýji-köke önümleriniň bazarynda pugta orun alyp, kompaniýa özüniň kuwwatly mümkinçilikleriniň we ýokary at-abraýynyň bardygyny ýene-de bir gezek tassyklady. Ýokary öndürijiligiň, juda oňat hil derejesiniň gazanylmagy «HASAR» kompaniýasyna 2017-nji ýylda ISO 9001-2015 hem-de ISO 22000-2005 halkara şahadatnamalaryna mynasyp bolmagyna mümkinçilik berdi. Bu şahadatnamalaryna mynasyp bolmagy – kärhananyň ýokary hil derejesinde dolandyrylýandygynyň we howpsuz azyk önümçiliginiň ýol goýlandygynyň aýdyň subutnamasy boldy.
“HASAR” kompaniýasy diňe bir ýokary hilli görkezijileri gazanmak bilen çäklenmän, eýsem elmydama bu ýetilen ýokary sepgitleri saklap gelýär. Bu ýerde her ýylda ýol hil öndürijiligini güwälendirýän audit barlagy geçirilýär, bu bolsa süýji-köke öndürijileriň eksport üpjün etmelerini ep-esli giňeltmeklerine mümkinçilik berýär.HASAR™ söwda nyşany bilen şokoladly süýjüleriň ýokary hilli görnüşlerini öndürmek boýunça täze önümçilik hatary ulanyşa berlenden soň datly önümleriniň giden toplumy – 100 gowrak görnüşleriniň önümçiligi ýola goýuldy. Diýarymyzda we daşary ýurtlarda şokolad örtükli wafli owuntykly “Altyn aý” süýjüsi, “Nowruz” süýjüsi (şokolad örtükli goýaldylan süýt goşulan), «Şokolad örtükli gawun kaky». Bu süýjüde gawunyň we şokoladyň ajaýyp tagam berlip utgaşdyrylmagy «Şokolad örtükli gawun kaky» şirin tagamynyň kompaniýanyň süýji-köke öndürijileriniň tanalýan meşhur önüminiň bolmagyna doly esasda mümkinçilik berdi.
Birnäçe ýylyň dowamynda kärhana öz alyjylaryny «HASAR» söwda nyşany bilen hödürlenýän önümleriň dürlüligi bilen begendirýär, şol bir wagtda bu ýerde önümleriň görnüşini mundan beýläk hem giňeltmek boýunça işler alnyp baryldy. Kompaniýanyň marketologlary tarapyndan alnyp barlan seljermeleriň netijesinde sarp edijileriň wafli önümlerine gyzyklanmalaryň bardygy ýüze çykaryldy. Şol ýyl täze wafli öndüriji hataryň işe girizilmegi bilen, süýji-köke öndürijiler ýurduň söwda kärhanalaryny bu datly önümler bilen üpjün etdiler. Alyjylaryň aglabasy bu owadan gaplamadaky ýatdan çykmajak enaýy tagama ýokary baha berdiler, we ony öýde adaty saçak başynda çaý içmek üçin hem-de ýakynlaryna we dost-ýarlaryna sowgatlyk hökmünde satyn aldylar.
Öz önümçilik kuwwatlyklarynyň ornaşdyrylmagy kompaniýanyň ösüşinde wajyp ähmiýetli tapgyr boldy: bu ýerde täze önümleri ösdürmek, önümçiligiň ähli tapgyrlarynda hil gözegçiligini amala aşyrmak üçin goşmaça mümkinçilklere eýe bolundy, bu bolsa ýerlikli nyrhlary we durnukly üpjün etmeleri kepillendirmeklige mümkinçilik berýär. Täze kärhananyň ýokary öndürijilik hem-de süýji-köke önümleriniň ýokary hili bilen tapawutlanýandygyna garamazdan, kompaniýada onuň işe başlan wagtyndan bölümleri tehniki taýdan üpjün etmek babatda alada edilmegi birjikde gözden salynmandy. Şol ýyl kärhanada süýjüleriň iň ýokary hilli görnüşlerini we plitkaly şokalady öndürmek üçin enjamlar gurnaldy. Datly önümleriň enaýy tagamlary sarp edijileriň dessine göwnünden turdy.
2012-nji ýyl kompaniýanyň işinde hakykatdan hem öwrülişikli we ykbal çözüji wakaly ýyl boldy. Köne binaň golaýynda 20 000 inedördül metr täze meýdançada umumy meýdany 11 153,3 inedördül metre barabar bolan täze konditer kärhanasy işe girizildi.Kärhananyň dabaraly açylyş dabarasyna Türkmenistanyň Prezidenti Gurbanguly Mälikgulyýewiç Berdimuhamedow gatnaşdy we toý bagyny kesip hem-de konweýeriň işe giriziş düwmesini basyp, täze önümçilik desgasynyň işe başlamagyna ak pata berdi.Paýtagtymyzyň kärhanasy gije-gündiz düzgünde işleýär we 100-den gowrak görnüşli önümleri – her dürli tagam beriji huruşly dürli şekiller berlen kökeleri, süýjüleri, karamelleri, wafli önümlerini, şol sanda şokoladly-wafli tortlaryny, çagalyk döwründen hemmeleriň göwünlerinden turan marmelad we iris süýjülerini çykarýar. Tehnikanyň iň soňky gazanlary bolan enjamlary bilen enjamlaşdyrylan giň hem ýagty sehlerde hakykatdan hem ajaýyp we datly tagamly önümleri öndürmek üçin ähli şertler döredilendir.
Işde täze ugurlaryň gözleginde bolmak bilen, kärhananyň işgärleri önümleri dürli huruşly şokolad örtügi bilen örtmek boýunça täze tehnologiýany özleşdirdiler. Tiz wagtda, 2010-njy ýylda kompaniýanyň datly önümleri öndüriji hatary şokolad bilen örtülýän pomadaly we želeli süýji önümleriniň önümçiligi üçin täze enjamlarynyň ornaşdyrylmagy bilen has-da giňeldildi.Körpeleriň we ulularyň durmuşynda süýji ertekiniň dowam etmegi üçin, kärhananyň işgärleri süýji-köke önümlerini öndürmek boýunça täze tehnologiýalary durmuşa geçirmek işlerini dowam etdirdiler. Şonuň netijesinde şol Italiýadan satyn alnan täze önümçilik hatary bilen depozit we gülli myssyjak kökeleri öndürilip başlandy. Ol dessine sarp edijileriň göwnünden turdy we şu wagta çenli uly islegden peýdalanýar.
Kompaniýanyň datly tagamly önümlerine bolan alyjylaryň islegi ýylsaýyn barha artdy. Sarp edijileri, aýratyn hem çagalaryň, isleglerini kanagatlandyrmak maksady bilen, kärhananyň işgärleri önümleriň görnüşini köpeltmeklige çalyşdylar, munuň üçin karamel çykarmak boýunça hatary bolan Germaniýadan getirilen enjamlar goşmaça gurnaldy.Şol ýyl kärhananyň kollektiwi süýji we ýokary isleg bildirilýän önümleri öndürmek boýunça ýokary hünär we kämil derejeli öndürijiler hökmünde öz abraýlaryny pugtalandyrmagy dowam etdirdiler. Munuň şeýledigini eýýäm iki ýyl bäri süýji-köke önümleriniň Owganystana eksport edilýändigi hem bütin aýdyňlygy bilen äşgär edýär.
